Претседателот на УМС и советник во Советот на Град Скопје, Сергеј Попов, вели дека е време да се врати сјајот на ноќниот живот во градот.
„Денес на редовната седница на Советот на Град Скопје како млади советници со советничката група на ВМРО-ДПМНЕ и Коалицијата за „Обнова на Македонија“ поднесовме предлог одлука за давање на овластувања за управување на објекти, односно за нејзина измена и овозможување на дискотеките кои се сега лоцирани во Градскиот парк, да можат да работат и истите да бидат место за забава на младите во градот и неговите посетители.
После две пандемиски години редно време е да го вратиме сјајот на ноќниот и на социјалниот живот во Скопје.
Ги повикувам сите млади советници од другите коалиции и партии да го поддржат овој предлог, и да го направиме ова лето подобро за сите нас“, изјави Попов.