Влага, изронет бетон и метални жици кои штрчат од столбовите може да се видат на мостот „Пресека“, на патот Кичево – Охрид.
„Зошто никој ништо нема преземено“, „Чекаат да падне“, „Помолете се пред да го врвите“, се дел од коментарите откако на Твитер беа објавени фотографии од мостот.
Патниот правец Скопје – Кичево – Охрид е еден од најфреквентните во Македонија.
Последната информација од Владата, е дека автопатот Кичево – Охрид треба да биде завршен до 2023 година.
Министерот за транспорт и врски Благој Бочварски тогаш изјави дека сумата останува иста, и нема да има дополнителни трошоци за автопатот, туку само се продолжува рокот.