Помалите владини партнери очекуваат да чујат кои се приоритетите по приклучувањето на Алтернатива

Од:

Претставниците на помалите политички партии од владината коалиција очекуваат на вечерашната средба со премиерот Зоран Заев да чујат кои се владините приоритети по приклучувањето на Алтернатива во Владата.

Претседателот на Демократскиот сојуз Павле Трајанов пред почетокот на средбата изјави дека треба да се видат програмските определби на Владата. Нагласи дека се прават пошироки консултации по што ќе се донесе некаков координиран заеднички став, но според неговите очекувања тој процес ќе трае уште најмалку месец дена.

– Демократскиот сојуз нема намера да уценува и да притиска. Сега Владата на СДСМ ќе биде малку покомотна, ќе има 64 пратеници во мнозинството, така што некои од коалициските партнери кои не се задоволни можат слободно да ја напуштат коалицијата, рече Трајанов, посочувајќи дека очекува да види во кои правци ќе се движи новата влада, како ќе се одвиваат разговорите со Бугарија, како и дали ќе се даде фокус на стратешките прашања.

За ДОМ, пак, како што изјави претседателката на оваа партија Маја Морачанин, важно е да се види кои ќе се програмските приоритети на новата Влада.

Претседателот на НСДП, Тито Петковски рече дека засега нема аргументи ниту „за“ ниту „против“, и додаде дека ќе даде изјава откако ќе слушне од премиерот за постигнатиот договор со Алтернатива.

Би можело да ве интересира

ВМРО-ДПМНЕ: Потпишувањето на бугарскиот договор не е политичка волја туку финансиски интерес на Заев

(ВИДЕО) Николоски: Венко Филипче и СДС се во целосна координација на нивниот лидер во сенка-Зоран Заев

Горан Наумовски

Заев му одговори на Мицкоски: Очаен обид на неспособниот премиер да го пренасочи вниманието на јавноста од неговите неуспеси

Владата на САД е блокирана за прв пат по речиси седум години

Горан Наумовски

Гаши: Сите учесници на изборите да се воздржат од секоја форма на притисок, користење на говор на омраза, поларизирачка пропаганда и злоупотреба на јавните ресурси

Владата уште еднаш ја потврди својата дискриминаторска политика кон Албанците, велат од ДУИ

Горан Наумовски