Положено цвеќе на гробот на поранешниот претседател Трајковски

Од:

По повод одбележувањето на 14 години од смртта на поранешниот Претседател на Република Македонија, Борис Трајковски, делегација на Град Скопје, денеска, положи цвеќе на неговиот гроб во Алејата на Великаните на градските гробишта Бутел.

Делегацијата на Град Скопје, беше составена од Претседателката на Советот на Град Скопје, Љубица Јанчева, советникот на градоначалникот, Азиз Максутовиќ и членот во Советот на Град Скопје, Петар Шапе.

Со овој чин, делегацијата на Град Скопје, оддаде почит на Вториот Претседател на независна Република Македонија, кој на 26 февруари, 2004 година, во атарот на село Ротимље, во близина на Мостар, трагично го загуби својот живот, во авионска несреќа.

Цвеќе, на гробот на Борис Трајковски, положија и делегации од Владата на Република Македонија, од Кабинетот на Претседателот на Република Македонија, од Собранието на Република Македонија, од Министерството за култура, од АРМ, претставници на политички партии, претставници од дипломатскиот кор, претставници на образовни и научни институции, здруженија, како и голем број граѓани од нашава земја и од странство.

Би можело да ве интересира

Град Скопје формира 24-часовна служба за брза реакција на повик на граѓаните

Ана Ололовска

(ВИДЕО) Божиновска: Арсовска не реализираше ниту еден свој проект во првите месеци од мандатот

Ана Ололовска

Арсовска доделува 80.000 евра за Градски паркинг, а ја намалува цената на паркингот во Скопје

Катерина Павлова-Николовска

Христовски: „Градски паркинг“ должи околу 33 милиони денари на Град Скопје за неплатена комунална такса

А1он

Град Скопје поднесе кривична пријава против поранешниот директор на МКЦ за организирањето на дочекот на Новата година 2020

(ВИДЕО) Јанчева: Арсовска продолжува проекти на претходниот градоначалник, нема реализирано ниту еден свој

Ана Ололовска