Вчера во Кичево полициски службеници од Одделот за криминалистичка полиција во координација со ОВР Кичево го лишиле од слобода А.М.(23) од Кичево, поради сомнение дека извршил кривично дело недозволена трговија со дрога – хероин и марихуана.
Според МВР, во 21 часот од страна на полициските службеници извршен е преглед на А.А., при што била пронајдена марихуана, за која изјавил дека ја набавил од А.М. од Кичево.
По претходно издадена наредба од судија на претходна постапка од Основен суд Кичево, од страна на полициски службеници од Одделот за криминалистичка полиција во периодот од 21.50 до 23.00 часот, извршен е претрес во дом, други простории и возила кај А.М.(23) од Кичево, каде биле пронајдени и одземени 18 паковки со хероин, кеса со марихуана, кутија со остатоци од марихуана, 3 дигитални ваги со остатоци од марихуана, нагорени алуминиумски фолии, зипер кеса со остатоци од марихуана.
По завршување на претресот, во координација со Јавен обвинител од ОЈО Кичево, А.М. е приведен во полициска станица Кичево, каде по комплетирање на целокупната документација ќе му биде поднесена кривична пријава.
