Ноќеска на регионалниот пат Неготино – Градско, кај циглана во Неготино, полициски службеници ги уапсиле Д.К.(19) од Велес, С.Т.(25) од село Црвени Брегови, неготинско и еден малолетник.
Тројцата се затекнати како товарат предмети во возило „фолксваген голф“, а при преглед во возилото пронајдени се предмети кои ги одзеле од двор на фирма во Неготино.
Пронајдените предмети и возилото се одземени, за настанот се запознаени адвокат за малолетници, Центар за социјални работи и јавен обвинител.
Д.К. и С.Т. се задржани во полициска станица и по документирање на настанот ќе биде поднесена соодветна пријава.
