13 лица кои биле дел од две домашни забави се приведени откако синоќа полицијата упадна во двата стана каде што имало собири со гласна музика и со повеќе лица од дозволеното според мерките за заштита од Ковид-19.
Сите кои биле затекнати на забавите се приведени и ќе добијат кривични пријави – информираат од МВР.
-На 17.01.2021 во 02.45 часот, по претходно добиени сознанија дека во стан на ул.„Рајко Жинзифов“ во Скопје има гласна музика и не се почитуваат мерките за заштита од ковид-19, полициски службеници од СВР Скопје, врз основа на судска наредба, извршиле контрола во станот, сопственост на С.Г.(34) од Скопје. Притоа, во станот бил затекнат сопственикот и К.Д.(33), Ф.Т(25), С.С.(27), Е.Ј.(26), Е.Р.(35), Р.М.(29), Т.Т.(26) – стои во сооптението од МВР.
Во исто време забава имало и во друг стан.
-Во истиот период, во координација со Јавен обвинител, од страна на Единицата за внатрешни работи Центар и интервентната полиција, во стан на ул.„Елисие Поповски Марко“ биле затекнати пет лица кои правеле забава, и тоа К.З.(20), Б.Л.(20), Р.А.(20), С.К.(21), сите од Скопје и В.П.(20) од Битола – соопштуваат од Министерството за внатреши работи.