Полицијата пронајде автоматска пушка и куршуми во автомобил во Мала Речица

Од:

Полициски службеници од Секторот за внатрешни работи Тетово пронашле автоматска пушка и рамка со шест куршуми во автомобил „Фолксфаген лупо“ со гостиварски регистарски ознаки, управуван од Р.М. (33) од Горно Седларце, Тетовско.

Како што соопшти МВР, полицајците по претходно добиени сознанија вчера во 11:45 часот на улицата „172“ во селото Мала Речица го запреле возилото. При прегледот на возилото, пушката и рамката со куршуми биле пронајдени во торба на задното седиште.

Р.М. бил приведен и задржан во Полициската станица Тетово, а обезбедено било и возилото што го управувал. Подоцна, во станот во кој живеел под кирија во Тетово, биле пронајдени 26 куршуми со калибар од 7,62 милиметри.

По целосно документирање на случајот, во координација со јавен обвинител, против Р.М. ќе биде поднесен соодветен поднесок.

Би можело да ве интересира

Кривична пријава за градоначалникот на Кичево, Фатмир Дехари

Катерина Ѓуровски

Русите имаат ново оружје: Ова е „ѕвер“ што ги тресе силите

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци

Во акција на МВР и АНБ: Запленето електронски докази, оружје и куршуми