Полицијата почна да приведува новинари на суд

Од:

Нов удар врз слободата на печатот. Полицијата почна да приведува новинари на нивните работни места. Покана за судско рочиште не сме добиле, тврди новинарката Искра Опетческа, која заедно со уредниот Зоран Андоновски, вчера со полиција биле однесени на суд. Андоновски го привеле од просториите на Дневник, Опетческа, од Нова Македонија. Иако бил објавен демант за напишаното, Васил Пишев, инаку пратеник на ВМРО-ДПМНЕ, решил да тужи бидејќи во спорниот текст бил наведен како осомничен во случајот „Пајажина“. За ист текст, Опетческа заработила 3 пријави за клевета.

А за да биде иронијата уште поголема, приведувањето било за рочиште кое веќе било одложено, објаснува Опетческа.

Приведување новинари, астрономски суми за клевета , па дури затвор. Сето тоа во отсуство на новинарите кои воопшто и не добиваат судска покана, не се ништо ново за македонските судови. Обидите за декриминализација на клеветата сеуште се залудни. Владата во тајност го готви новиот закон за медиуми. Македонија останува последна во Европа по слободатата на новинарите.

Новинарите се револтирани. Додека нив ги приведуваат со полиција, судот со години ги толерира функционерите од власта кои редовно не се појавуват на рочиштата.

Јасмина Јакимова

Би можело да ве интересира

Судот нареди итна забрана за контролата на Маск врз американските платежни системи

Горан Наумовски

ЗНМ: Осуда за попречување на новинарската работа на екипата на КЛАН телевизија

САД: Забраната за продажба на оружје на млади од 18 до 20 години е неуставна

Горан Наумовски

ЗНМ бара итна истрага за запаленото возило на дописничката од Охрид

Коцевски: Јавно ја осудувам секоја форма на притисок и закани кои се насочени кон замолчување на новинарите

Американците 10 часа ги испрашувале руските новинари кои доаѓале да известуваат за изборите