Полицијата ќе му прави ненајавени проверки на Мијалков

Министерството за внатрешни работи по барање на судот, на поранешниот директор на УБК, Сашо Мијалков кој беше пуштен од затворски во куќен притвор, ќе му прави ненајавени проверки на домашна адреса. Според личната карта на Мијалков, како живеалиште е наведена куќата во негова сопственост која се наоѓа на улицата Салвадор Аљенде на Водно.

„СВР Скопје доби решение од Основниот суд Скопје 1, со кое на осомничениот С.М. му се определува мерка куќен притвор во траење од 30 дена сметано од 29.12.2018. Мерката куќен притвор предвидува ненајавена проверка од полициски службеници, со цел да се утврди дали ја почитува лицето на кое му е одредена мерката. До СВР Скопје од Основниот суд Скопје 1 од СЈО нема пристигнато друго решение за преземање на мерки“, велат од МВР за „А1он”.

Мијалков во текот на вчерашниот ден со одлука на Кривичниот суд беше пуштен од затворски во куќен притвор за предметот „Империја“ во кој е осомничен. Ексдиректорот на УБК е обвинет и во уште неколку предмети на специјалното јавно обвинителство – „Тортура“, „Таргет-тврдина“ и „Титаник 2“.

Специјалната јавна обвинителка Катица Јанева изјави дека е добро за реформите за владеењето на правото осомничените и обвинетите од истрагата „Империја“ и предметот „Титаник“ да бидат во куќен притвор. Таа исто така истакна дека тие не можат да влијаат врз сведоци, да го повторат делото или пак да се дадат во бегство.

Виктор Јованов

Би можело да ве интересира

(ВИДЕО) Тортевски: Предметите на СЈО со ништо не се загрозени, криминалот не смее да остане несанкциониран

Габриела Димковиќ-Мишевска

(ВИДЕО) Ласовска: Катица Јанева се крие и бега од одговорност

Ана Ололовска

Жбогар: „Рекет“ не влијае на европерспективата, да се најде решение за иднината на СЈО

Ана Ололовска

Асани: Се изготвуваат решенија за преземање на одземениот имот на Сеат Кочан

Ана Ололовска

Јанева отворила боледување во вторникот

Кристијан Ландов

Ако Јанева денес не каже зошто не доаѓа на работа, исполнува услов да добие отказ

Кристијан Ландов