Основното јавно обвинителство Скопје до Основниот кривичен суд Скопје поднесе обвинителен акт против едно лице за кривично дело неовластено производство и пуштање во промет наркотични дроги, психотропни супстанции и прекурсори.
Обвинетиот, на 13-ти јуни, во својот дом во Студеничани, неовластено заради продажба држел марихуана во вкупно количество од 137 грама. Дрогата била спакувана во црна полиетиленска кеса.
ОЈО СКопје денеска соопшти дека надлежниот јавен обвинител ценел оти и натаму постојат законски основи и заради тоа на обвинетиот, на кој претходно му беше определена мерка куќен притвор, до судот е доставен и предлог за продолжување на оваа мерка.