Поднесени 182 барања за субвенционирање печки на пелети

Од:

Градот Скопје ги потсетува граѓаните кои имаат намера да аплицираат на Јавниот повик за надоместување на дел од трошоците на граѓаните на подрачјето на Град Скопје за купување печки на пелети истото да го сторат најдоцна до 13.03.2017 година (понеделник).

Јавниот повик за надоместување на дел од трошоците на граѓаните на подрачјето на град Скопје за купување печки на пелети за 2017 година почна на 27.02.2017 година и ќе трае заклучно со 13.03.2017 година (понеделник). Сите апликации коишто ќе пристигнат по овој датум воопшто нема да бидат прифатени, ниту разгледувани.

Оваа година Јавниот повик ги опфаќа граѓаните на градот Скопје коишто се затоплуваат на печки со дрва, јаглен, нафта и мазут и претставува една од мерките кои Градот Скопје ги презема со цел подобрување на квалитетот на амбиентниот воздух.

Условите за добивање субвенција се: барателот да нема искористена субвенција за истата намена од кој било извор во Република Македонија; да е жител на град Скопје; да е корисник на печка на јаглен, дрва, нафта или мазут; новата печка на пелети која ќе ја купи да биде инсталирана и да се користи на истата адреса од личната карта, да нема приклучок на градско централно греење во објектот каде што е инсталирана печката; станбениот објект да не е во фаза на градба; и барателот да има платено данок на имот за објектот каде што е инсталирана печката, заклучно со 2016 година.

До вчерашниот ден граѓаните имаат поднесено 182 барања кои моментално се во фаза на разгледување, а комисијата почна со теренска проверка на дадените локации каде што ќе бидат поставени набавените печки на пелети.

Градот Скопје ги повикува граѓаните кои се уште не поднеле барања, а имаат намера истото да го сторат, да аплцицираат и документите да ги поднесат до Архивата на Град Скопје секој ден од 9.30 до 15.00 часот. Целиот Јавен повик е објавен на официјалната веб страницата на Град Скопје и трае до 13 март 2017 година, се вели во соопштението на Град Скопје.

Би можело да ве интересира

Досега 1964 онлајн апликации за субвенции за набавка на инвертер клима уреди

Ана Ололовска

ВИДЕО: Скопјани за Универзална сала ќе бидат консултирани на референдум

Искра Манојлоска

Велковска од Совет на Град Скопје: Планските документи за Скопје мора да бидат зелени

Ана Ололовска

Советот на Град Скопје ќе расправа за примање донација од УНДП

Ана Ололовска

(ВИДЕО) Вработен во Град Скопје пцуе граѓани, Шилегов се извинува поради вербалните напади

Кристијан Ландов

Велковска: СДСМ и ДУИ одобрија итна обнова на пат во Бојане среде кампања

А1он