Почнува екстерното тестирање

Од:

Во основните и средните училишта низ Македонија од денеска до 8 јуни ќе се спроведува првото екстерно оценување во државава, чија цел е да се провери колку наставниците се објективни  во вреднувањето на знаењата на учениците.

Околу 200.000 основци и средношколци електронски ќе одговораат на тестови по два предмета, а опфатени се 15.000  наставници.  Учениците пред две недели беа информирани по кои два предмета ќе бидат тестирани.

Тестот трае 60 минути и за тоа време ученикот треба да одговори на 30 прашања. За секое ќе добие по четири понудени одговори, од кои ќе избере еден. Има можност да се наврати на некој одговор за да го поправи ако се премисли. Подготвени се 55.000 прашања по различни предмети од материјалот што е изучен во текот на учебната година. Ученици во еден клас или одделение може да бидат тестирани по различни предмети.

Изземени од електронско тестирање се матурантите зашто ќе полагаат државна матура (на 8-ми и на 11 јуни) и учениците од прво, второ и трето одделение кои се оценуваат описно. Според правилникот за спроведување на екстерното, наставниците кои предаваат од прво до трето одделение треба да имаат досие за ученикот со негови трудови (контролни тестови, писмени задачи, цртежи) за да ја докажат објективноста на оценката. Доказите како инструменти во екстерното оценување ќе важат и за вештините, т.е. физичко, ликовно, музичко и техничко образование од четврто до деветто одделение, и за практичните предмети за ученици во средното стручно образование.

Оценките кои ученикот ќе ги добие по двата предмета од екстерното тестирање ќе бидат впишани во свидетелството и ќе влијаат на неговиот вкупен успех. Во свидетелството ќе стојат и оценките кои по тие предмети ученикот ги добил од наставникот. Оценките од екстерното се внесуваат во свидетелство за учениците да бидат засегнати од тестирањето.

Долгорочно, целта на екстерното е учениците да добиваат оценки реални на нивното знаење, а наставниците да бидат заштитени од притисоци на  родители да поправаат оценки. Наставниците кај кои ќе има отстапувања меѓу оценката што ја дале и онаа од тестот ќе бидат советувани, а тие со големи отстапувања ќе добијат помала плата.

Есктерното оценување беше најавувано  четири години. Министерството за образование и наука и Државниот испитен центар работеа на функционалноста на софтверот за електронско тестирање која беше проверена на неколку пробни тестови во училиштата.

Би можело да ве интересира

(ФОТО) Екстерно тестирање: Погоди што има на црната слика

А1он

Од утре до 11 јуни екстерно за учениците

А1он

Вјолца Алији: Манипулант и профитер можел да измисли дека сум се потпишала за државен испит

А1он

ДС на Павле Трајанов: Владата да ги повлече и преработи законите за образование

А1он

МОН: За екстерното тестирање на матурантите 283 приговори, 130 прифатени

Ана Ололовска

Масовна поддршка од 17.000 потписи за петицијата екстерното тестирање да се прогласи за пробно

Ана Ололовска

1 comment

roditel 27/05/2013 - 12:49 at 12:49

Na eksterniot test vo naseto uciliste sin mi ne samo sto nemozel da odgovori radi toa sto ne se citale prasanjata tuku i dva pati mu se gasel kompjuterot. Na zabeleskata atestatorot rekol pa sto da pravam?
Dali e toa provereno i podgotveno testiranje ili maltretiranje na deca i roditeli?

Reply

Leave a Comment

two × 4 =