Масовна поддршка од 17.000 потписи за петицијата екстерното тестирање да се прогласи за пробно

Од:

Досега 17. 853 граѓани се потпишаа на петицијата со која од Младински образовен форум (МОФ) бараат овогодинешното екстерно тестирање да се прогласи за пробно.

17000Барањата се темелат на големиот број технички пропусти со кои се соочија учениците, законските прекршувања околу објавувањето на листите со предмети за полагање, како и времето за доставување на приговори по однос на резултатите.

До денес најголем број на потписи се собрани во Скопје (над 3500 потписи), а потоа Велес со над 2500 потписи, како и Битола и Тетово со над 1500 потписи.

Во соопштението од МОФ потенцираат дека илјадници ученици со декрет биле подложени на тестирање кое надлежните институции избрзано сакаат да го третираат како официјално иако истото потфрлило на сите технички и стратешки нивоа.

Додека во другите држави овој тип на тестирање служи за подобрување на образовниот процес како и подобар перформанс кај учениците и наставниците, македонските ученици заради сите технички и законски пропусти се оштетени.

„Апелираме до институциите и надлежните да размислат, да се одважат и да се откажат од своите планови за официјализирање на ваквото екстерно по секоја цена. Следната година заедно да создадеме систем кој ќе функционира и кој нема да штети на иднината на младите“, стои во соопштението.

МОФ поднесе претставки до Државниот управен инспекторат и до Државниот просветен инспекторат барајќи реакција од инситутциите за кратењето на рокот за објавување на листите на предмети од 7 на 4 дена, како и за кратењето на рокот за поднесување на приговори на објавените оцени, од 3 на 2 дена.

peticija17iljadi
Граѓаните даваат масовна поддшка за спас на екстерното оваа година во сите градови низ републиката, а петицијата ќе трае до крајот на оваа недела.

Сите информации поврзани со распоредот на пунктови за потпишување се достапни на www.mof.mk/eksterno.

Темјана Поповска

Би можело да ве интересира

Советодавен сервис за права на млади – платформа за младинско информирање

Ана Ололовска

МОФ загрижен за квалификациските тестирања во средните училишта

Предраг Петровиќ

ВИДЕО: Студентските домови имаат буџет од 3,5 милиони евра, а студентите јадат по една банана месечно

Искра Манојлоска

Истражување: Студентските трошоци приближно колку месечна македонска плата

Ана Ололовска

Викендов беа избрани најдобрите дебатери почетници

Наум Локоски

МОФ: Екстерното тестирање постигна само оштетени ученици и професори и залудно потрешени пари

Наум Локоски

Leave a Comment

nineteen + two =