Почна увидот во зградата во Чаир во која избувна пожар од импровизиран магацин во подрумот

Од:

Основното јавно обвинителство Скопје, заедно со полициски екипи ги започна увидните дејствија во зградата на улицата „Прохор Пчињски” во Чаир каде на 2 октомври избувна пожар во подрумските простории.

Од МВР информираа дека претходно од страна на СВР Скопје биле извршени сите подготовки и бил обезбеден влез во објектот, а пристапот до објектот се врши строго контролирано и во присуство на станарите се врши попис на предмети и штетата на станбените единици.

-Подрумските простории, од каде според првичните информации започнал пожарот, се уште се обезбедуваат за пристап и испитување на причините. Траењето на увидните дејствија на терен ќе зависи од времето неопходно за прибирање на сите докази, стои во соопштението на МВР.

Во гаснењето на пожарот кое траеше повеќе часа, учествуваа 20 пожарникари со седум противпожарни возила, а поради густиот црн чад од Итната медицинска помош информираа дека имаат дадено медицинска помош на 10 деца, 21 возрасен, еден пожарникар, како и една бремена жена.

Би можело да ве интересира

Ганиу: Чаир не е шаховска фигура во политичките игри на ДУИ

ДУИ: Злото што ја попречува иднината на Чаир ќе биде отстрането

ДУИ: Во последните две години во Чаир се изградени над 150 бесправни објекти

Обвинителството бара притвор за двајцата поранешни директори на Онкологија

(ВИДЕО) Пожар во болница во Британија, евакуирани се бремени жени

Обвиненија за пожарот во „Пулс“ до средината од јуни, испрашани се над 300 сведоци