Почна судењето за предметот на СЈО за настаните пред општина Центар

Во скопскиот Кривичен суд денеска почна судското рочиште за предметот на Специјалното јавно обвинителство во врска со настаните пред општина Центар во јуни 2013 година.

Обвинението е против 14 лица кои се товарат дека организирале насилни собири пред општина Центар поради најавеното оспорување на Деталниот урбанистички план од страна на Советот на општината.

Меѓу обвинитетите се и поранешниот премиер и лидер на ВМРО­ДПМНЕ Никола Груевски, поранешниот министер за транспорт и врски Миле Јанакиески и пратеничката Даниела Рангелова, кои денеска се појавија во судот.

Претставник на Специјалното јавно обвинителство е обвинителката Фатиме Фетаи, а судијка е в.д. претседателката на Основниот суд Скопје 1 Скопје, Татјана Михајлова.

Специјалното јавно обвинителство го покрена овој случај на 15 септември.