ВИДЕО: Заев и Мицкоски пристигнаа на лидерската средба, ќе се бара излез за СЈО

Од:

Почна лидерската средба меѓу власта и опозицијата на која повторно ќе се стави на дневен ред Законот за јавно обвинителство, со кој би се решила судбината на Специјалното јавно обвинителство.

Премиерот Зоран Заев, министерката Рената Дескоска, Соња Мираковска како дел од тимот на власта, советникот на премиерот, Бојан Маричиќ, лидерот на ВМРО-ДПМНЕ Христијан Мицкоски, Тони Менкиноски предмалку пристигнаа во Собранието. Изјави за исходот од разговорите се очекуваат по средбата.

Во фокусот на лидерската ќе биде Законот за Јавно обвинителство, но Мицкоски најави дека ќе ја отвори и темата за предвремени парламентарни избори.

Заев во пораката за Денот на независноста меѓу другото изрази и увереност дека земјата има капацитет со двотретинско мнозинство да го донесе и Законот за Јавно обвинителство.

„Сите случаи и евентуални случаи на криминал и корупција, како во развиените земји, мора да добијат ефикасна, праведна и правична разврска. Тоа го очекуваат граѓаните и со тоа ќе дадеме дополнителни аргументи на ЕУ, дека сме и ние цврсто определени кон правдата и изградбата на правна држава”, рече Заев.

Поради скратените рокови, се очекува Законот за Јавно обвинителство да биде донесен најдоцна до 15 септември. За да биде усвоен, потребно е двотретинско мнозинство.

Би можело да ве интересира

Пропаднаа преговорите на власта и опозицијата, нема договор за законот за ЈО

Предраг Петровиќ

На повидок раскол во обединетата албанска опозиција

Села ја прифати поканата од Заев за лидерска средба

Татјана Ташкова

(ВИДЕО) Заев: Може да разговараме за избори во октомври 2020

Галена Николовска-Ризвановиќ

ВИДЕО: Лидерската средба на Заев и Мицкоски утревечер во Владата

Сандра Бошковска

Црногорската опозиција на средба со Хан побара формирање техничка влада

Сандра Бошковска