Уште едно медицинско лице ја загуби битката со коронавирусот. Тетовскиот доктор, радиологот, Д-р Владимир Евтимовски од Клиничката болница во Тетово почина поради компликации предизвикани од Ковид-19.
Евтимовски почувствувал симптоми на почетокот од оваа седмица по добил и позитивен тест. Откако му се влошила состојбата, докторот бил хоспитализиран на Инфективната клиника во Скопје, починал вчера.
„Мојот драг колега др. Владимир Евтимовски му ја предаде својата душа денеска на Господ Севишен, служејќи им на своите пациенти и во најтешките моменти! Почивај во мир драг пријателу! Секогаш ќе ни недостигаш!, вели неговиот колега Арѓент Имери, радиолог и субспецијалист по дијганостика на дојка на Фејсбук.