Нови препораки за патување во земјите од ЕУ во текот на пандемијата

Од:

Членките на ЕУ денеска се договорија за координиран пристап што ќе го олесни безбедното и слободно движење во земјите на Унијата за време на пандемијата на Ковид-19, а новите препораки ќе стапат во сила на 1 февруари.
Министрите на ЕУ се согласија дека мерките против ширењето на инфекцијата треба да се спроведат земајќи ја предвид здравствената состојба на поединецот, а не епидемиолошката состојба во регионот од кој доаѓа. Исклучок се „темно црвените“ области со високо ниво на циркулација на вирусот.

dobivaj vesti na viber

Тоа значи дека клучна одредница за патувањето ќе биде дигиталниот ковид-сертификат на патникот, односно потврдата дека е вакциниран, дека има негативен тест или дека ја прележал болеста.

Патниците со дигитален ковид-сертификат не треба да бидат изложени на дополнителни ограничувања за слободно движење.

– Тоа значително ќе ги поедностави правилата што се применуваат и ќе им обезбеди на патниците дополнителна прецизност и предвидливост, се наведува во соопштението на Советот на ЕУ.

Еврокомесарката за здравство Стела Киријакидес и еврокомесарот за правда Дидие Рејндерс ги повикаа членките да ги применат заедничките правила, нагласувајќи дека прецизноста и предвидливоста за граѓаните на ЕУ се клучни за безбедно патување.

– Блисната координација на ниво на ЕУ е од суштинско значење, не само за функционирањето на единствениот пазар, туку особено за да се обезбеди прецизност и безбедност за луѓето кои патуваат во рамките на ЕУ, се вели во заедничката изјава на двајцата еврокомесари.

Тие додадоа дека досега се издадени повеќе од 1,2 милијарди ковид-сертификати и дека членките на ЕУ денеска потврдија оти поседувањето на тој документ треба да биде доволно за патување за време на пандемијата.

Советот на ЕУ соопшти дека од 1 февруари рокот на важност на потврдата за вакцинација ќе биде ограничен на 270 дена од последната примена доза.

Членките на ЕУ можат да прифатат и вакцини одобрени од националните власти или Светската здравствена организација.

ПЦР тестот не смее да биде постар од 72 часа, а брзиот антигенски тест важи 24 часа. Потврда за закрепнување од болеста може да се добие доколку поминат најмногу 180 дена од првиот позитивен тест.

Од оние кои немаат ковид-сертификат може да се бара да направат тест пред патувањето или најдоцна 24 часа по пристигнувањето.

Препораките на Советот не се правно обврзувачки, така што властите во земјите-членки треба да одлучат за нивното спроведување.

Извор: МИА

Би можело да ве интересира

Јапонија ги отвара границите, но само за „пробни“ туристички тури

Ана Ололовска

Во САД од Ковид-19 починале еден милион луѓе

А1он

ЕУ: Бројот на илегални преминувања зголемен за речиси 70 отсто во првите четири месеци од годината

А1он

Епидемијата на коронавирусот во Шангај под контрола

А1он

Задолжително носење заштитна маска на летовите од и кон Германија

Ана Ололовска

Ким ѝ нареди на војската да ја стабилизира дистрибуцијата на лекови за Ковид-19 во Пјонгјанг

Ана Ололовска