По двегодишни најави, следната недела тендер за монтажни гаражи во Клиничкиот центар

Од:

Министерството за здравство следната недела ќе го распише тендерот за изградба на две монтажни гаражи во комплексот клиники „Мајка Тереза“ по пат на јавно-приватно партнерство. Изградбата на двете монтажни гаражи како решение за хаосот со паркирањето во Клиничкиот центар две години е само во најава.

„Одлуката за јавно-приватно партнерство помина на Влада, подготвена е документацијата и следната недела ќе го распишеме тендерот. Очекуваме по завршување на административните процедури изградбата да оди бргу бидејќи се работи за монтажни објекти и до Нова година гаражите веќе да бидат ставени во употреба“, вели министерот Венко Филипче за „А1 он“.

Компанијата што ќе го добие тендерот ќе има обврска да ги финансира, дизајнира, да ги изгради, да ги управува и одржува двете гаражи.

На почетокот на месецот Синдикатот на клиничкиот центар „Мајка Тереза“ преку отворено писмо го потсети министерот Филипче дека не го исполнил ветувањето за изградба на гаражите.

„Господине министер, одамна истече времето за изградба на двете катни гаражи, како и за намалување на цената на паркинг-картичките или нивно укинување за вработените во Клиничкиот центар. Дали мислите дека вработените во Клиничкиот центар заборавија на Вашето ветување. Зарем мислите дека се намалил револтот. Не, туку ја изгубивте огромната доверба што ја имавте кај Вашите довчерашни соработници, се надеваме и понатамошни“, напишаа од Синдикатот.

Би можело да ве интересира

Склучен договор на 96 години, а лимитот е 35, нема ниту регистар на јавни-приватни партнерства

Филипче: Македонија годинава ќе биде со најнизок економски раст во регионот

А1он

ВМРО-ДПМНЕ: Венко Филипче се гордее со Зоран Заев и учи од него

(ВИДЕО) Филипче: Владината коалиција е нефункционална, тоа граѓаните секојдневно го чувствуваат на своја кожа

(ВИДЕО) Филипче: За прв пат после 50 години се реконструира спортската сала „Работнички“

Филипче: Велигден дава сила и надеж за справување со предизвиците, за нови и подобри почетоци