Претседателот на Бугарија Росен Плевнелиев и премиерот Бојко Борисов разговараа за позицијата на Бугарија за одредување на датум за почеток на преговори за членство на Македонија во ЕУ.
Ова го соопшти прес секретаријатот на шефот на државата.
Темата ќе биде во фокусот на претстојната седница на Европскиот совет во Брисел во четврток.
Бугарија ќе биде меѓу земјите кои нема да го поддржат определувањето датум за почеток на преговори со југозападниот сосед, стои во соопштението.
Росен Плевнелиев и Бојко Борисов се категорични дека Бугарија ја поддржува европската перспектива на Република Македонија, но бугарската поддршка не е безусловна и зависи од исполнувањето на критериумите за членство, меѓу кои приоритетно место заземаат добрососедските односи.
Според претседателот и премиерот – изгледите за добивање датум, ќе се одобри не преку пропаганда и “маркетинг кампањи”, туку преку реални активност иза зајакнување на добрососедските односи помеѓу Бугарија и Македонија.
За да се постигне напредок во оваа насока, Бугарија и предложи на Македонија двете земји да потпишат Договор за добрососедски односи, пријателство и соработка врз принципите на Декларацијата од 1999 година, да се постигне договор за заедничко чествување на значајни личности и настани од заедничката историја и да се прекине антибугарската кампања и замената на историски факти, стои во соопштението.
