Планот на Георгиевски е срамен за Македонија, реагира градоначалникот на Куманово

Од:

Градоначалникот на Куманово, Максим Димитриевски остро реагира на предлогот на поранешниот премиер Љупчо Георгиевски за решавање на спорот со Бугарија. Димитриевски вели, предлогот е срамен и понижувачки за Македонија и за македонскиот народ.

„Овие ставови директно ги разнебитуваат нашите македонски корени, ги поткопуваат столбовите на постоењето на македонската држава, историја, јазик, идентитет и култура со конечна цел декодифицирање на македонизмот. Доколку кај поранешниот премиер постои малку доблест и свест под итно треба да го врати Македонското државјанство и да се извини на целиот македонски народ. Го повикувам јавното обвинителство екс официо да отвори случај, спроведе истрага и доколку утвртди одговорност за ваквиот предлог кој е против уставен да поднесе кривична пријава за дело против државата и поткопување и уривање на уставниот поредок. Јас сум еден од многуте граѓани во државата кој секогаш и секаде бескомпромисно ќе се спротивстави на ваквите утопистички ставови. Во оваа прилика ќе потсетам на зборовите на Гоце Делчев: „Јас не познавам друг народ кој повеќе страдал од предавствата на своите синови – изроди како македонскиот”“, пишува Димитриевски.

Акцискиот план кој што вечерва го предложи поранешниот Премиер Љупчо Георгиевски е срамен и понижувачки за Македонија и…

Posted by Maksim Dimitrievski on Saturday, 27 February 2021

Реакција има и од ВМРО-ДПМНЕ од каде велат дека преку предлогот на Георгиевски премиерот Зоран Заев пуштил пробен балон.

„Зоран Заев вчера преку Љубчо Георгиевски пушти пробен балон во јавноста, и порача дека македонскиот јазик не постоел во кореспонденцијата на патриотските револуционерни организации директно негирајќи ја посебноста на македонскиот јазик, како и посебноста на македонската нација. Заев сака да ги одроди револуционерите и сите македонски дејци и од нив да направи Бугари“, велат од ВМРО-ДПМНЕ.

Поранешниот премиер Георгиевски вчера на Фејсбук објави план во пет точки за решавање на спорот со Бугарија. Според него треба без многу објаснувања да се усогласат 10-15 историски настани, да се направи нова специјална комисија само за прогонот и убиствата на Македонците со бугарска национална свест, македонската страна да ја даде пругата под концесија на бугарските железници и да се догради, се дел од предлозите на експремиерот. Во однос на јазикот, пак, тој вели дека има предлог со кој може да се затвори ова прашање.

Би можело да ве интересира

Мицкоски: Немаме намера да почитуваме едностран договор со Бугарија потпишан од влада без кредибилитет

А1он

Радев и Макрон во Стразбур разговараат за европската интеграција на Македонија и Шенген

А1он

Европската перспектива на Македонија тема на средбата на Радев со Штајнмајер

А1он

Продолжен мандатот на Бучковски како специјален претставник во Бугарија

А1он

Бугарско-македонската комора апелира до Заев и Јанев за надминување на политичката криза и економско поврзување

А1он

Радев – Заев: Дијалогот на високо ниво е клучен за градење доверба и решавање на спорните прашања

А1он