„Плацови на Водно” продолжи со сослушување сведоци и изведување материјални докази

Од:

Со сослушување на сведоци предложени од Обвинителството, денеска во Основниот кривичен суд во Скопје продолжи судењето за случајот „Плацови на Водно”.

Прв беше сослушан сведокот на обвинителството Сузана Николовска, која е член на ВМРО-ДПМНЕ од 1999 година и била советник во општина Гази Баба од 2009 до 2013 година, која рече дека има донирано средства во износи од 200 и 60 илјади денари за оваа партија.

– За сумата се сеќавам дека беше назначена, за која цел не се сеќавам. Едноставно само донирав, изјави сведокот Николовска.

На прашање од одбраната, таа рече дека пари на рака нема дадено на никого, и сите уплати ги вршела со каса-прими. Сведокот, рече дека Никола Груевски не го познава, освен од медиуми.

Сведокот Драган Оѓњановски, кој е сопственик на градежна фирма, рече дека донирал 300 илјади денари пред изборите во 2006 година на партијата ВМРО-ДПМНЕ.

– Тогашниот градоначалникот на Гази Баба Коце Трајановски ми се јави, бидејќи ние сме градежна фирма и работиме со општини и други институции. Општината ни должеше пари и не ни ги исплаќаше, па Трајановски ми се јави пред избори и ми рече да уплатам донација на партијата пред изборите и дека за сметка на тоа ќе нема да има никакви проблеми со исплата и ќе помагаат колку ќе помагаат ако дојдат на власт, изјави сведокот Огњановски.

Парите, рече дека ги дал во старата жолта зграда на ВМРО-ДПМНЕ на Гордана Јанкулоска, за што добил каса-прими.

На прашање од одбраната, дали некогаш дал пари на лично на Никола Груевски, сведокот рече не, и дека не го познава Груевски.

Прашан дали за донацијата пријавил на некоја институција, сведокот рече не.

На прашање од одбраната, дали за донацијата очекувал некаква противуслуга, сведокот рече, „не, доволно е да не не закачаат, не мене, туку фирмата”.

Случајот го води судијата Илија Трпков, а застапник на обвинението е јавната обвинителка Лиле Стефанова.

Со ова, заврши сослушувањето на сведоци предложени од Обвинителството и по паузата треба да се продолжи со изведување материјални докази од одбраната.

Би можело да ве интересира

Врховниот суд пресече за „Плацеви на Водно“ – за Груевски останува казната од Апелација

Врховен суд го прифати барањето на Груевски за преиспитување на пресудата за „Плацеви на Водно“

Горан Наумовски

(ВИДЕО)„Плацови на Водно“: Се конфискува имот вреден три милиони евра, Стефанова незадоволна од казните за Груевски и Мијалков

Кристијан Ландов

Шанса за Центар: Да запре сечата на Водно додека не заврши судскиот спор „Плацови на Водно“

Маја Илиевска-Пачемска

Продолжи судењето за „Плацови на Водно“

А1он

Се бара Мијалков да оди во притвор за „Плацеви на Водно“ откако беше ослободен со гаранција од 11 милиони евра

А1он