Пратеникот Васил Пишев од ВМРО -ДПМНЕ денеска побара институциите одлучно да реагираат и да докажат дека сите граѓани се еднакви пред законот.
– Со денешниот настап Петре Шилегов потврди дека единствениот политичар аболиран за тежок криминал е смртно преплашен. Зоран Заев знае дека е повторно фатен во криминал, рече Пишев.
Според него, Заев избегнува да излезе на ТВ дуел со него и јавно да ги соочат аргументите, за граѓаните да видат колку пари украл и на кој начин ги украл. Пишев смета дека граѓаните треба да знаат како дошло до тоа Струмица да плаќа двојно поскап превоз од Токио.
– Зоран Заев еднаш веќе успеа да избега пред законот благодарение на Бранко Црвенковски, кој го спаси од одговорност за криминал тежок осум милиони евра. Аболицираниот криминалец Заев не смее повторно да избега од одговорност, рече Пишев.
