Возачот кој ја предизвика сообраќајката кај Штип бил во алкохолизирана состојба

Од:

Дежурен јавен обвинител од Основното јавно обвинителство Штип и увидни екипи на МВР извршија увид на автопатот Штип-Миладиновци, каде вчера во тешка сообраќајна несреќа животот го загубија три лица.

Како што соопшти Обвинителството, според првичните информации, до несреќата дошло кога автомобил „Шевролет“ со скопски регистарски таблици, во кој се превезувале петмина патници од едно семејство кои се враќале кон Скопје по веселба во Кочани, започнал да претекнува возило „Тојота“ со кочански регистарски ознаки во кое се превезувале две лица.

Во моментот на престигнувањето, возачот на „Шевролетот“ загубил контрола врз возилото, па најпрвин удрил во левата банкина, а потоа се одбил и удрил во автомобилот кој паралелно го претекнувал. Како последица на сударот, двата автомобила се превртеле во канал покрај патот, при што животот го загубиле три лица од скопскиот автомобил – сопруга, ќерка и мајка на сопругата на возачот. Останатите четворица учесници во несреќата се здобиле со телесни повреди, при што најтешки повреди се констатирани кај сопатникот во кочанското возило, велат од Обвинителството.

Јавниот обвинител веднаш издаде наредби за испитување на целиот настан. Првичното тестирање кај возачот на автомобилот „Шевролет“ покажало присуство на алкохол, но дополнително, со цел да се утврди точниот процент, земени се примероци од крв за анализа. На местото на несреќата беше повикан сообраќаен вештак, а обвинителството ќе издаде наредба за комплетно сообраќајно вештачење. Се обезбедува целокупна медицинска документација за повредените и починатите во несреќата. По целокупното испитување на настанот, јавниот обвинител ќе донесе одлука за натамошниот тек на постапката.

Би можело да ве интересира

Чувари и осуденици од Србија повредени во сообраќајка

Трагедија кај Књажевац: Двајца пијани млади момчиња предизвикаа сообраќајка во која загина девојка

Верижен судир на четири возила кај скопската Железничка станица

Се истепале две фамилии во Штип, единаесетмина приведени

Повредена жена пронајдена на автопат кај Демир Капија

Споделувал детска порнографија во групи на социјални мрежи, приведен 28-годшник од Велешта