Петровска: Со оглед на однесувањето на руската надворешна политика, не гледам зошто Лавров би дошол во Скопје

Од:

Министерката Славјанка Петровска на одговор на новинарско прашање во вечерашното издание на Тема на денот во Дневникот на Македонската телевизија одговори и за можното учество на министерот за надворешни работи на Русија, Сергеј Лавров на состанокот на ОБСЕ во Скопје, при што истакна дека ако предвид се има однесувањето на Русија и нејзината надворешна политика, не гледа причина Лавров да учествува на овој состанок.

-Нема потврда за доаѓањето на Лавров, меѓутоа со оглед на однесувањето на руската надворешна политика, нивното мешање во внатрешните работи на државите, меѓутоа пред сè нивниот однос кон Украина, не гледам зошто тој би доаѓал овде, рече министерката, соопшти Министерството за одбрана.

Петровска порача дека изминатиов период Северна Македонија како претседавач на ОБСЕ навистина даде сè, вложи максимум напори да успешно се заврши претседавањето и ОБСЕ да ја исполни својата мисија, стои во соопштението на МО.

-Не зависи секогаш сè од нас. И останатите земји членки, во случајов и Русија како членка на ОБСЕ треба да покаже дека навистина знае да ги негува и да ги вреднува вредностите на ОБСЕ, рече министерката.

Би можело да ве интересира

Трамп бесен: Ги загубивме Индија и Русија од најмрачната Кина

Предраг Петровиќ

(ВИДЕО) Петровска: Потребен е надзор над работата на Агенцијата за национална безбедност, ние немаме што да криеме

Путин: Развојот на Сибир и Далечниот Исток се приоритет за Русија во 21 век

Присуството на западна воена сила во Украина ќе биде само нова интервенција во земјата, вели Царев

Захарова: Екстремен степен на желба на агресивниот Запад да го милитаризира Арктикот

Зеленски тврди: Путин ги отфрла сите обиди за преговори