Пет лица побарале медицинска помош по громот на охридската плажа

Од:

Вкупно петмина побарале лекарска помош во Општата болница во Охрид по громот на плажата „Оревче“. Директорот на болницата, Горан Балески за „А1он“ вели дека нема хоспитализирано ниту едно од лицата. Им биле направени сите проверки од дежурните тимови, по што било констатирано дека нема потреба од болнички третман, бидејќи станува збор за лесни повреди.

„Дел имаат лесни изгореници, дел се жалеле на промена на слухот. Направено им било ЕКГ и резултатите биле нормални“, вели Балески за „А1он“.

Повредените кои побарале медицинска помош биле на плажата „Оревче“ во чија непосредна близина удрил и громот, попладнево околу 16 часот. Две од повредените лица се од Ресен и Битола.

Денеска на плажата беше откажан и настапот на двајца диџеи, поради лошото време. Најголем дел од плажите целосно се испразнија, како и масите од угостителските објекти кои се поставени на отворено. Вакво време имаше и вчера, се очекува и наредните денови, со поинтензивни врнежи на дожд и појава на град.

Центарот за управување со кризи излезе со препораки и апел за наредните денови, за кога е најавено променливо облачно, врнежливо и посвежо време, претежно попладне наместа со пороен дожд и грмежи.

„Покрај потребата за превенција заради најавеното невреме со поројни дождови и ветар, до субјектите од системот за управување со кризи, ЦУК апелира и за лично граѓанско превентивно однесување за време и после невреме во одредени локални региони. Покрај препораката за градоначалниците и субјектите во Системот за управување со кризи за преземање превентивни мерки, неодминливо е да се апелира и до сите граѓани да не движат покрај речни корита и суводолици (за време и по локално невреме), заради можни брзи и ненадејни порои, да престојуваат и да се засолнуваат во простори што се на пониско ниво и може да бидат поплавени и секако, во случај на појава на грмежи и електрични празнења се препорачува поголема внимателност – да не се престојува на отворен простор и под осамени дрвја“, информираа од ЦУК.

Би можело да ве интересира

ВИДЕО: Циклонот сега беснее низ Украина, киевското метро се наполни со вода

Жарко Настоски

ВИДЕО: Големо невреме и во Србија, небото се отвори на Белград, силниот ветер корнеше дрвја во Нови Сад

Громот во Охрид удрил на неколку метри од брегот, а повредени се тие кои седеле на три до пет метри од водата

Две лица повредени на охридска плажа, по удар од гром

Кристијан Ландов

ВИДЕО: Невреме во Охрид со пороен дожд, грмотивици, силен ветер

ВИДЕО: Силно невреме во Осиек однесе кров од зграда

Катерина Павлова-Николовска