Пендаровски: СДСМ и ВМРО-ДПМНЕ блиску до договор за законот за јавно обвинителство

Од:

Претседателот Стево Пендаровски смета дека работните групи на СДСМ и на ВМРО-ДПМНЕ се многу блиску до договор за законот за јавно обвинителство ако има политичка волја.

Според Пендаровски, кој денеска е во посета на Штип, работата околу законот е исчистена и има уште две – три спорни прашања за кои двете партии имаат различно мислење.

Разликите за законот што се преостанати, вели Пендаровски, се толку мали што треба сите страни кои учествуваат да се надминат себе си и да најдат решение час поскоро во интерес на граѓаните.

Прашан дали е можно да свика нова лидерска средба за законот, шефот на државата рече дека одржува редовни контакти со сите лидери на политичките партии, но оти е многу битно да се види дали постои политича волја да се реши тој проблем.

– Ако нема политичка волја бесцелно е да ги собирам. И Свети Петар да ги собере нема да најде решение. Ако има волја не битно е кој ќе ги организира и каде ќе се сретнат, тие ќе најдат решение за половина час, изјави Пендаровски при денешната посета на Велес во рамки на проектот „Лице в лице“.

Нагласи дека недонесувањето на законот нема да биде пречка за очекуваната одлука во октомври за старт на преговорите со ЕУ.

– Ако не го донесеме тој закон нема да биде проблем за да добиеме датум за преговори во октомври. Со одлуката да се трансферираат предметите од СЈО во ЈОРСМ тој проблем е решен во овој период. Но се разбира многу е битно да имаме нов закон за јавно обвинителство со кој некогашната СЈО ќе биде и системско регулирано за да може да продолжи по предметите заради нас, заради државата. Битно е СЈО да биде дел од редовниот систем на обвинителството и во таа смисла апелирам до политичките лидери да се договорат што е можно побрзо, рече Пендаровски.

Би можело да ве интересира

Поранешни вработени во СЈО бараат извинување од Пендаровски за говорот по повод Илинден

А1он

Претседателот Пендаровски на одбележувањето на Илинден во Пелинце

А1он

Со средства од Кинеската амбасада ќе се опреми РТГ Кабинетот во Поликлиниката во Шуто Оризари и ќе се реконструира покривот

Ана Ололовска

Онлајн балкански самит во организација на Атлантскиот совет

Ана Ололовска

ВИДЕО: Пендаровски во посета на баталјонот за воено-медицинска поддршка

Ана Ололовска

Пендаровски – Лајчак: Придонесот на ЕУ е повеќе од потребен за зајакнување на регионалната стабилност

Ана Ололовска