Пендаровски и Заев во Струмица: Отворивме перспективи кон НАТО и ЕУ

Од:

Претседателот на СДСМ и премиер, Зоран Заев и кандидатот за претседател на државата, Стево Пендаровски на митингот во Стумица повикаа граѓаните од општината и од државата, масовно да ја поддржат опцијата Заедно Напред.

-Оваа политичка опција е единствено европска и ќе ја однесе државата меѓу европски равиените нации и држави, рече кандидатот за претседател на државата, Пендаровски.

Тој додаде дека клучните работи во нашата држава се солидарност, почит и еднаквост меѓу сите етнички заедници.

-Немаме намера да им овозможиме на оние кои ја зацрнија државата, кои со режимот децата ги избркаа, да ја вратат назад. Република Северна Македонија дефинитивно оди кон развиениот свет, немаме намера да дозволиме да се врати во мрачното минато. Ќе бидеме вистински реални победници во интерес на сите нас и нашата заедничка татковина.

Заедно одиме Напред, порача Пендаровски.

Заев, посочи дека Струмица отсекогаш била европска општина и дека покажавме како се води и држава.

-Отворивме перспективи кон НАТО и ЕУ, почнавме економски да ја развиваме државата, економските параметри го покажуваат тоа, доаѓа убава иднина, назад нема, рече Заев.

Тој посочи дека вниманието на регионот и светот го свртевме кон нас, од сите страни доаѓаат потврди и признанија, тоа се и дома, рекордниот број странски инестиции, повисоките плати, намалената невработеност, отворениот просперитет.

-И дадовме на Европа вредности, се обединивме во едно општество за сите, покажавме дека различностите се предност, ги решивме најчувствителните прашања низ европска култура на компромис, на дело, застанавме како стожер на соработката во регионот, на дело.

Ќе им подадеме на Европа и на светот уште една вредност, европски, демократски претседател, на европска демократска држава -еве го, Стево Пендаровски, рече Заев.

Тој додаде дека на нашата земја и треба претседател кој влече напред, а не назад, води кон прогрес, не кон застој, кој обединува, а не дели, со став, наспроти партиски интереси.

-Испраќаме порака дека: концептот едно општество за сите продолжува, цврсто сме определени за Република Северна Македонија, членка на НАТО и ЕУ, целта за економски развиена држава ја реализираме. Една грешка не чини децении од нашите животи. На 21ви април, на 5ти мај, масовно да излеземе на гласање, да покажеме на сите дека – еве вака се оди заедно, здружено, напред, повика Заев од митингот во Струмица.

Би можело да ве интересира

Заев: Следува инвестициски циклус од околу пет милијарди евра

А1он

27 организации со осуда за изјавата на Заев

Татјана Ташкова

Национална мрежа за борба против хомофобијата до Зaeв: Педер не е ничија карактерна особина

А1он

Совет за етика: Изјавата на Заев е недолична и несоодветна за носител на јавна функција

А1он

ССНМ: Заев да внимава што зборува за новинарите

ЗНМ ја осудува изјавата на Заев и бара јавно извинување