Парламентите во Македонија, Србија, Црна Гора и БиХ да донесат законски решенија за новинарите да се третираат како службени лица

Од:

Има потреба од интервенција во законските решенија и оти со договор и со консензус во нашите парламенти треба да ги имплементираме, а со нив новинарите во однос на сигурноста и безбедноста на работата би се третирале како службени лица кои извршуваат обврска за и во име на граѓаните. Таа одредница треба да ја имплентираме имајќи предвид дека сите ние во регионот целиме да бидеме членки на Европската унија, изјави денеска претседателот на Собранието Талат Џафери на Регионална конференција за „Подобрување на дијалогот меѓу парламентите и новинарите од Западен Балкан”.

Ова е прва ваква конференција во регионот на која учествуваа претставници на новинарските здруженија на Северна Македонија, Црна Гора, БиХ и Србија,. Свои обраќања, освен Џафери, имаа и претседателот на Собранието на Црна Гора Алекса Бечиќ, потпретседателот на српскиот Парламент, Радован Тврдишиќ и претставникот на Собранието на БиХ, Лазар Продановиќ.

Џафери во изјавата за медиумите истакна дека донесена е одлука оваа конференција да биде трајна и ротирачка на годишно ниво, по редослед што дополнително ќе се одреди.

-Впрочем, од претходниот мандат и од овој, мојата определба како претседател на Собрaнието било и ќе биде дека ова е дом на граѓаните и дека треба да направиме се тоа и во пракса да се реализира, дали преку медиумите дали преку лична комуникација. Таа поддршка ја имам од сите пратенички групи во Собранието и ‘е настојувам тоа да биде така, изјави Џафери.

На регионалната конференција беше потпишана заедничка Декларација со напомена дека овој состав во наредниот состав треба да се прошири со Албанија и Косово.

Претседателот на Здружението на новинари на Македонија Младен Чадиковски истакна дека овие напори што сега се преземаат со четирите земји се во насока на тоа да се држат институциите будни секогаш и постојано.

-Да не заборавиме никогаш колку е важно слободната мисла за фунционирањето и на парламентите и на медиумите, а со тоа и едните и другите да можат да ја остваруваат фунцијата за која што постојат а таа е верно да им служат на граѓаните секој во својата дејност. Пратениците да си ја земат во свои раце моќта што ја поседуваат за да може да креираат добри закони во функција на добри јавни политики а ние медиумите на најдобар можен начин да бидеме чувари на демократијата и да можеме слободно и непристрасно да известуаме и за сите и проблеми и малформации во општествата во кои живееме бидејќи нашата основна функција е да бидеме добронамерен критичар на секоја влада и на секоја власт за да можеме работите да ги менуваме на подобро, рече Чадиковски.

Чадиковски истакна дека очекуваме многу скоро да бидат изгласани измените на Кривичниот законик со кои нападите врз новинари ќе се гонат по службена должност, практично како да се тоа напади врз службени лица.

-Тоа во многу ќе ја олесни работата на обвинителствата и судовите во однос на нападите врз новинарите односно ќе ја намали неказнивоста на насилниците. Ова е прашање кое е важно и во другите земји кои се тука присустни. Со нив исто така разговаравме. И се надеваме дека ова е една унифицирана законска регулатива која ќе придонесе за намалување на нападите врз новинарите. Солидарноста во новинарскиот свет е многу значајна и токму заради тоа решивме и функционираме на ваков начин ние и здруженијата на новинарите од Западен Балкан, рече Чадиковски.

Би можело да ве интересира

Ковачевски: Доаѓа ново време, со работа почнуваме веднаш

Избрана е новата Влада

Катерина Павлова-Николовска

Пешевска: Најодговорните министри за сите криминали повторно се во Владата

Сајкоски: Предложената влада е лош експеримент на Заев

Каевски: Лицемерието на Левица не поминува ниту во Собранието, ниту кај граѓаните

Георгиевска: Од каде го црпеше Мицкоски легитимитетот кога се обидуваше да стане мандатар, а не беше ни на пратеничките листи