ВИДЕО: „Парите ги потрошивме за инхалатори место за точаци” – протест против загадениот воздух

Од:

Поголема група граѓани денеска попладне излегоа на протест пред Собрание, против згадениот воздух. Oд граѓанската иницијатива ,,Канцерогена општество”, кои се организатори на протестот, порачаа дека власта мора да преземе не само краткорочни, туку и долгорочни мерки против загадувањето.

Тие носат транспаренти на кои пишува „Ставете налепници на тешката индустрија”, „Парите ги потрошивме за инхалатори место за точаци” и слично.

Учесниците на протестот алармираа дека високата концентрацијата на ПМ 10 честички измерена во последниот период, со што Скопје беше рангиран како најзагаден град во светот, предупредува дека ако не се преземе ништо таа бројка ќе расте.

Граѓаните се загрижени дека од загадениот воздух најзасегнати се децата и како последица на тоа се преполни детските клиники. Тие побараа да се лоцираат најголемите загадувачи во главниот град и место непродуктивни мерки како поскапување на паркингот и други кои удираат по џебот на граѓаните, да се преземат посериозни чекори. Тие особено потенцираа дека 1,5 милиони евра за борба со загадувањето не се доволни и порачаа дека повеќе се исплаќаат пари за патни трошоци за пратениците, отколку за справување со овој сериозен проблем.

Групата од Собранието се упати кон Владата каде ќе продолжи протестот.

Галена Николовска-Ризвановиќ

Би можело да ве интересира

Реџепи: Денеска за малку ќе бевме сведок на нов скандал од страна на претседателот на Собранието

Засега без јавно образложение е одложена денешната седница на Комисијата за контрола на АНБ

Горан Наумовски

СДСМ: Скопје се гуши поради неспособноста на власта и градоначалниците од ВМРО-ДПМНЕ

Променливо облачно со претпладневен локален дожд

Поради невремето во Скопје на 112 повеќе пријави за паднати дрвја, скинати кабли на ЕВН и оштетување на приватна сопственост

(ФОТО) Паднати дрвја низ цело Скопје, ветрот правеше масакр по улиците

А1он