Како што се движите напред, македонскиот народ, македонските лидери, може да сметаат на поддршката од САД, изјави заменик-помошникот државен секретар на САД, Метју Палмер по средбата со премиерот Зоран Заев.
Тој истакна дека со Заев разговарале за низа актуелни прашање, вклучително и за Договорот со Грција, процесот за негово процесирање, како и за влезот во ЕУ и НАТО и јакнењето на односите.
На новинарското прашање зошто Палмер не се сретна со лидерот на ВМРО-ДПМНЕ, заменик помошникот на САД одговори дека при секоја посета има определено време и треба да се направи избор како да го искористи.
-Мицкоски испрати писмо каде ги изразува ставовите на ВМРО-ДПМНЕ, тоа што не остварив никаква средба со него не носи никаква порака до нив, рече Палмер.
Тој исто така кажа дека САД ја поддржуваат преспанската спогодба, и дека се задоволни од гласањето за уставни промени во петокот.
-Тоа е глас за иднината, ќе одржуваме контакт со Владата и со сите пратеници кои гласаа за спогодбата, рече Палмер.
Виктор Јованов