По повод 8 април, Меѓународниот ден на Ромите, Министерството за труд и социјална политика денеска организира „Отворени канцеларии” за граѓаните што живеат во ромските населби.
Тимови од Центрите за социјална работа и од Ромските информативни центри ќе излезат на терен во населбите каде што живее ромско население и во населбите каде што живеат поголем процент Роми со цел да даваат услуги на терен. На овој начин ќе се олесни и ќе се унапреди пристапот на ромското население до социјалните услуги на локално ниво.
Министерството за труд и социјална политика, како што соопшти, со оваа пракса планира да продолжи и во иднина.