Отворена е претстечајна постапка за ТВ Нова. Централниот регистар постапувајќи по службена должност за упис на решение за поведување на претходна постапка на Основен Суд Скопје 2 од 23 март годинава донесе решение со кое се одобрува пријавата за започнување претходна постапка за испитување на услови за отварање на стечајна постапка над должникот ТВ Нова ДООЕЛ Скопје.
За привремен стечаен управник се определува Владица Ивановска.Се задолжува привремениот стечаен управник да го заштити имотот на должникот со сите соодветни средства, да дава согласност на органите за управување на должникот за водење на работењето се до донесување на одлука за отворање на стечајна постапка со цел да се избегне значително намалување на имотот и да испита дали должникот има имот над кој може да се отвори и е доволен за спроведување на стечајната постапка и намирување на трошоците на стечајната постапка и побарувањата на доверителите и да изготви извештај за економско финансиската состојба на должникот.
Рочиштето за изјаснување по предлогот за отварање на стечајна постапка е закажано за ден 24 април годинава. Барањето неофицијално е поднесено од „Телекабел“.
