Започна јубилејното дваесето издание на фестивалот „Ристо Шишков“ во Струмица.
Со откривање на биста со ликот на бардот на македонското глумиште, Ристо Шишков, започна годинашниов фестивал на кој ќе бидат изведени 15 претстави.
Бистата е поставена пред центарот за култура „Антон Панов“, местото каде во изминатите дваесет години актерите од домашните и странските театри се натпреваруваа за единствената награда за високи актерски достигнувања.
Фестивалот за отворен го прогласи градоначалникот на општина Струмица Зоран Заев.