Отпад, кучиња, непријатна миризба, кал, вака изгледа некогашниот рај за скопјани езеро Треска

Од:

Кал, непријатна миризба, загадена вода, домашни животни на испаша, расфрлен отпад, глутница кучиња, вака изгледа денес некогашното познато езеро Треска, кое беше рај и место за рекреација за скопјани, особено во летните месеци. Малите базени се оштетени, кабините за преслекување и туш кабините искршени или расклопени, а голем број приколки изедени од забот на времето. Доколку сакате да се освежите, некогашните ресторани се затворени, и работи само едно кафуле, во кое можете да добиете само кафе, но не и вода или сок.

Со години властите се договараа, а езерото и околината пропаѓаа.

Точно пред една година, Град Скопје најави соработка со општинарите од Сарај за заживување на спортско-рекреативниот центар. Од најавите, освен испразнетото езеро не се гледа ништо. Ветениот проект за ревитализација на Треска требаше да е нова шанса за комплексот изграден во 1978 година, кој своевремено функционираше и како капачки излетнички простор, но сега инфраструктурата е комплетно запуштена. Износот кој Град Скопје ќе го издвои за проектот изнесува седум милиони денари, со пресметан ДДВ. Од ова, од градскиот Буџет за 2018 година ќе се издвојат три, а во 2019 и 2020 по два милиони денари, стоеше во предложенaта одлука за ревитализација.

Езерото се протега на површина од 136.000 м2, длабоко е од 1,6 до 3 м и има капацитет од 10.000 капачи. Целиот спортско-рекреативен комплекс е изграден во 1978 година со самопридонес на жителите на Скопје. Поради загаденоста на водата во 1998 година езерото беше затворено за капење, а тоа беше и причина да се намалува посетеноста, се до денес кога на ова место и во летниот период е празно. Наместо вревата од капачите, царува тишината, а целиот простор делува морничаво.

Во 2010 година езерото е порибено со крап, амур и македонска пастрмка со цел да се овозможи и спортски риболов. Во текот на 2003 изработени се и реализирани поголем број елаборати и проекти за ревитализација на езеро Треска и со преземање на конкретни градежно-технички активности овозможено е ставање на езерото во функција, но и тоа не помогна. Неопходна е изградба на прочистителна станица со која проточната вода од реката Треска би се трансформирала од 4-та во 1-ва, евентуално 2-ра категорија, што е императив за ставање на езерото Треска во функција за капење.

По долги години минати во негрижа и неодржување на јавното добро, езерото Треска, доколку локалните власти имаат вистинска желба, наскоро би можело да добие нов лик. Градот Скопје и Општина Сарај со заеднички напор би требало да се вклучат во обновата на спортско – рекреативниот центар.

Дотогаш повозрасните скопјани носталгично се сеќаваат на жешките летни скопски денови кога со своите семејства и пријатели се разладувале на брегот на скопското езеро, чија скоро цела должина била населена со камп-приколки, па за време на летниот распуст целиот град бил преселен и уживал во убавините и забавата која ја нудело езерото Треска.

Би можело да ве интересира

Град Скопје: Трајко Славески не прифати седница за донирање на месечните паушали за Леонид

Предраг Петровиќ

Дива депонија во Визбегово, Арсовска најави кривични пријави

Стојановски: Утре изутрина од 4:45 часот јавниот градски превоз ќе продолжи нормално да функционира

Предраг Петровиќ

Советот на Град Скопје ја донесе одлуката за давање субвенции на ЈСП Скопје за 2024 година

Град Скопје: Вработените во ЈСП Скопје без плата, а граѓаните на Скопје без превоз

Левица: Итна седница на Советот на Град Скопје, Трудот на работниците во „Флораком“ и „Луна“ мора да биде исплатен

А1он