Сестра ми работи во М-НАВ веќе 15 години, или 12 години пред јас да станам министер за надворешни работи, вели Бујар Османи откако во јавноста излезе информацијата дека и тој е меѓу функционерите чии роднини се вработени во македонската навигација.
„Работи од пред 15 години, за критериумите ќе ги прашате во М-НАВ. Тоа е 12 години пред јас да станам МНР. Веќе 15 години јас истото образложение го давам, меѓутоа изборите си го прават своето“, рече Османи.
Вчера пак, премиерот Димитар Ковачевски не сакаше да ги коментира роднинските врски помеѓу вработени во М-НАВ и функционери, посочувајќи дека тој не бил портпарол на министрите, иако претходно коментираше дека освен синдикалецот Александар Тасевски, во М-НАВ биле вработени прво неговиот татко, а потоа и неговиот брат.