Заменик Претседателот на Владата задолжен за европски прашања, во рамки на денешната работна посета на Република Косово оствари средби со Министерката за европска интеграција на Република Косово, Дурата Хоџа и со Шефицата на канцеларијата на Европската Унија на Косово и специјална претставничка на ЕУ на Косово, Наталија Апостолова.
Во текот на средбата со Министерката за европска интеграција на Република Косово, Дурата Хоџа, соговорниците ја потенцираа заложбата на двете земји за европската перспектива на регионот, како и соработка во оваа насока. Османи го истакна прогресот во имплементацијата на Планот 18, како клучен критериум за успешен Извештај од страна на Европската Комисија.
Вицепремиерот Османи и Шефицата на канцеларијата на Европската Унија на Косово и специјална претставничка на ЕУ, Наталија Апостолова за време на својата средба разменија мислења околу напредокот и предизвиците при имплементацијата на проектите за меѓугранична соработка, особено за проектот Белановце – Станчиќ кој е од особена важност за двете земји, при што заеднички изразија задоволство што истиот е во финална фаза на реализација.
Претходно во рамки на работната посета на Косово Вицепремиерот Османи оствари средба и со Потпретседателот на Владата на Косовo – Енвер Хоџај при која беше потенцирана меѓусебната подршка на двете земји на патот кон ЕУ.
