Османи: Бугарија не може да постави нови услови затоа што се има во преговарачката рамка

Од:

Министерот за надворешни работи Бујар Османи тврди дека Бугарија нема да поставува нови услови во текот на преговорите и дека нејзините барање се вметнати преговарачката рамка, па побара оваа тема да се затвори во јавноста.

– Бугарија не може да постави нови услови затоа што се што има е во преговарачката рамка. Затворена е рамката и во неа има три патокази, а во едниот од нив има акциски план за малцинства и тоа е единствениот услов кој е влезен во бенчмарковите за отварање на поглавјата.
Се разбира дека договорите со Грција и со Бугарија се во рамката во делот каде што добрососедските односи се проценуваат, но во патоказите е само акцискиот план. Ние се надеваме дека со Бугарија ќе изградиме односи каде што добрата волја ќе го води процесот и дека нема двете страни да бидеме со калкулатор во рака кој што сработил – истакна министерот.

Во однос на донесувањето на резолуцијата во Бундестагот Османи рече дека тоа е само симболична потврда на тоа што формално е гарантирано во преговарачката рамка за македонскиот идентитет.

– Да се заблагодарам на сите сите партии во Бундестагот за иницијативата. Германија е еден од најсилните и најконзистентите поддржувачи на Македонија, а овие резолуции се само симболична потврда на тоа што формално го има во преговарачката рамка. Инаку и без тие резолуции идентитетот во ЕУ е загарантиран и како стануваме членка тој само се провомовира се повеќе и повеќе.

Бидејќи има дилеми во јавноста по однос на тоа што го има црно на бело во рамката, некои земји иницираа такви иницијативи за да им кажат на граѓаните: точно е, идентитетот е загарантиран, јазикот ќе биде официјален во ЕУ. После потпишување на Фронтекс нема потреба од резолуции, но опозицијата ја злоупотребува темата и ги плаши граѓаните, дури одбиваше да изгласа за да не ги потсетиме. После Фронтекс не треба никаква резолуција, опозицијата сами ги плаши граѓаните во услови кога тоа прашање е решено еднаш засекогаш – додаде тој.

Би можело да ве интересира

Полјански: Европа ги игнорира преговорите за Украина и се држи до старите позиции

Бернам: Очекувам договор со ЕУ што ќе донесе придобивки и за Британија и за Европа

Фицо: Конечно се разбуди Европа – ќе има делегација за преговори за Украина

Европа ги отфрли руските барања за мировните преговори за Украина

Предраг Петровиќ

Приведен возачот на камионот што предизвика еден од двата верижни судири во Бугарија

Фон дер Лајен: Безбедноста на Црното Море е безбедност на цела Европа