Османи бара поддршка од Германија за решение со Бугарија и старт на преговорите со ЕУ

Од:

Шефот на дипломатијата Бујар Османи, денеска во рамки на работната посета на Сојузна Република Германија, имаше средби со неговиот домаќин, германскиот сојузен министер за надворешни работи, Хајко Мас и со германскиот државен министер за Европа, Михаел Рот.

Како што соопшти МНР, во фокус на разговорите на средбата меѓу Османи и Мас беа подготовките пред Самитот на ЕУ – Западен Балкан во Брдо кај Крањ, надминувањето на разликите со Бугарија, како и најновите внатрешно – политички состојби во нашата земја.

-Факт е дека Берлин е најсилен предводник за европската перспектива и на Северна Македонија, како и на целиот регион. Имаме важен Самит пред нас и поддршката од партнерите како Германија е неопходна, прво и за да ги надминеме разликите со Бугарија за да се одблокира процесот, но и да го вратиме европскиот кредибилитет во регионот, спротивставувајќи се со тоа и на скептицизмот во ЕУ, истакна Османи.

Средбата со државниот министер за Европа, Рот, се наведува, беше искористена да се реафирмира германската позиција за нашето европско досие, за актуелностите од регионален аспект, но и да се дискутира за следните чекори и реформи, потребни за деблокирање на проширувањето на ЕУ.

-Балканот, географски не е на европската периферија, а заради тоа не смее да биде ниту на периферијата на политичкото внимание. Нашата дипломатија е таргетирана и посветена на себевложување во градењето добрососедски релации, регионална соработка и реализација на визијата за видлива и достижна европска иднина, нагласи Османи стои во соопштението.

Би можело да ве интересира

Германија: Ниедна земја-членка на НАТО нема да биде оставена сама на себе

Медиуми: Домаќинствата во земјите од ЕУ се предупредени да подготват пакети за преживување

Османи: Секоја продавница што ќе се отвори во Чаршија ќе биде субвенционирана, секој мајстор кој ќе обучи чирак, ќе има стипендија

ЕУ ја забрзува трката по минерали – нов повик за рудници, Македонија ќе се усогласува

Предраг Петровиќ

Мерц: САД повеќе не ги почитуваат правилата

Голдшмит: Босна и Херцеговина дефинитивно не е подготвена да биде вклучена во ЕУ