Неколку откорнати фасади од згради и оштетени возила, скршени дрвја и гранки е билансот од невремето проследено со силен ветер од променлив правец и обилни врнежи од дожд, кои повремно преминуваа во град, што попладнево околу 15 часот и 30 минути ги зафати Скопје и околината.
Според УХМР, на одредени места ветерот достигнал брзина и до 70 километри на час, а поголеми врнежи се регистрирани во Скопскиот и во Светиниколскиот регион.
Од УХМР велат дека навреме било интервенирано со градобијни ракети кои спречиле поголем дел од врнежите да преминат во град.