Општина Охрид ќе го организира пливачкиот маратон, за да не дозволи да пропадне овогодинешното издание

Од:

Градоначалникот Кирил Пецаков донесе одлука Општина Охрид да го организира овогодинешното издание на Охридскиот пливачки маратон. Ова дојде по координативниот состанок кој беше одржан утрово. Пецаков за „А1он“ ја потврди информацијата.

Маратонот ќе биде поддржан и од спонзори, како и Агенцијата за млади и спорт. По долги години традиција и организација на маратонот од страна на Македонската пливачка федерација, ова ќе биде првпат, целата организација да ја прави Општина Охрид. На овој начин се спасува одржувањето на манифестацијата, бидејќи Федерацијата е со блокирана сметка и не можеше да го организира маратонот.

Првиот човек на Охрид, Пецаков, уште вчера посочи дека е срамота да не се одржи манифестацијата која е белег на Охрид.

„Општина Охрид беше целосно подготвена за техничката организација затоа што маратонот е голем промотор на нашиот град во светски рамки. Срамната одлука за неодружување на најголемата меѓународна спортска манифестација во Македонија доаѓа во годината кога се слави 60 години од првиот вистински маратон“, напиша Пецаков.

Би можело да ве интересира

И покрај хаосот со организацијата, пливачи прифаќаат учество на маратонот во Охрид

Кристијан Ландов

Пливачи со години не добивале награди од охридскиот маратон, Пецаков им пратил покани и чека одговори

Кристијан Ландов

Граѓаните се организираат за да го спасат охридскиот маратон: Брука за федерацијата и државата е да не се одржи

Кристијан Ландов

Томи Стефановски фаворит за победник на утрешниот Охридски маратон

Емир Латифовиќ

Утре ќе се плива Охридскиот маратон

Емир Латифовиќ

(ВИДЕO) Маленко: Иванов како покровител, го заборави Oхридскиот маратон

Ана Ололовска