Скопје, 7 август 2016 (МИА) – Советот на општина Гази Габа денеска ја одржа 48. седница на која се усвои информацијата на градоначалникот за текот на активностите поврзани со штетите од синоќешното невреме, кои се направија на територијата на општината.
Од општината соопштија дека членовите на Советот во рамки на седницата донеле одлука за формирање комисии за процена и утврдување на штета настаната од природни непогоди и други несреќи и одлука за доделување за еднократна парична помош на семејствата на починатите во елементарната непогода која изнесува 100.000 денари.