Управниот одбор на Фондот за наградата „4 Ноември“ на Oпштина Битола го објави конкурсот за највисоките општински признанија кои традиционално се доделуваат на 4. Ноември – Денот на ослободувањето на градот Битола.
Наградата им се доделува на физички и правни лица како знак на општествено признание за значајни остварувања во стопанството, науката, уметноста, културата, воспитанието и образованието, здравствената заштита, социјалната заштита, спортот, техничката култура, заштитата и унапредувањето на животната средина и природата, како и други сегменти од животот, трудот и творештвото, што претставуваат посебен придонес за развојот на општината или државата.
Од општина Битола информираат дека наградата ќе се додели во две категории – за едногодишни остварувања на правни и физички лица, и награда за животно дело која претставува заокружена, континуирана творечка целина и се доделува на едно физичко лице.
Конкурсот за пријавување кандидати ќе биде отворен до 4 октомври.
