ВИДЕО: Опозицијата не го поддржува новиот Закон за управување со природното и културното наследство на Охрид

Од:

Пратеничката група на ВМРО-ДПМНЕ на денешната комисиска расправа за усвојување на новиот предлог Закон за управување со природното и културното наследство на Охрид, не го поддржа усвојувањето со образложение дека предвидениот мораториум за градба во Охрид и слични мерки, Владата можела да ги спроведе и со постоечкиот Закон.

“Владата и сите надлежни институции можеа досега да донесат одлука за уривање на дивоградбите и без овој нов Закон. Во оваа фаза на Законот колку и да сакаме да бидеме конструктивна опозиција нема да го поддржиме”, рече Манаскова од ВМРО-ДПМНЕ.

Суштински промени во Законот има, и од Надзорната расправа констатиравме дека стариот Закон имаше пропусти токму во прекршочните мерки, тврди Поповска од ДОМ.

“Не треба да коментираме дали новиот Закон и во колку проценти е ист како стариот, важно е дека во него се имплементирани засилени мерки на заштита”, реплицираше Поповска.

Факт е дека Охрид се наоѓа во страшна состојба и затоа УНЕСКО бара од нас реална разработка на план со кој ќе се справиме со оваа голема криза, а одговорноста е на сите, рече Никица Корубин.

Според Корубин, ние не сме ги почитувале постоечките закони и сме го довеле Охридскиот регион во ваква состојба.

“Сите сме виновни, и локалната и извршната власт, граѓаните не се информирани а медиумите недоволно информираа јавноста. Но сега се плашам дека ако продолжуваме со напаѓање и собирање политички поени а не се концентрираме на решњнија, ќе влеземе во поголема криза. Законот треба што побргу да се донесе и да стапи на сила”, смета Корубин и нагласи дека ни е потребна странска екпертска помош за да ја вратиме довербата од УНЕСКО.

Комисиската седница е прекината заради пленарната, а за продолжението на расправата ќе известат дополнително.

Би можело да ве интересира

ВИДЕО: Масакр кај „Инекс Горица“ во Охрид

Татјана Ташкова

Дивоградбите го загрозуваат растителниот и животинскиот свет во и околу Охридското Езеро

Меѓународно советување на Здружението на инженери МАКО СИГРЕ во Охрид

Igor Smilevski

Се очекува за две години „Марковите Кули“ да бидат на постојаната листа на УНЕСКО

Ана Ололовска

(ИНТЕРВЈУ) Георгиевски: Поднесовме 140 кривични пријави за дивоградби, процесирани – нула

Кристијан Ландов

(ВИДЕО) Георгиевски: Усеини ми кажа да му барам локација за бетонската база, јас му кажав дека не сум агенција за недвижнини

Кристијан Ландов