Околу 600 парчиња неексплодирани убојни средства уништени на Криволак

Од:

Околу 600 парчиња неексплодирани убојни средства беа уништени на Криволак, во организација на Дирекцијата за заштита и спасување, со логистика на министерствата за одбрана, внатрешни работи и здравство.

Директорот на Дирекцијата, Аднан Џаферовски за МИА изјави дека ова треба да се случува секоја година во некој период, откако ќе се соберат одреден број вакви парчиња од повеќе локации на државата.

– Се работи за неексплодирани убојни средства од различен калибар, собрани од територијата на целата држава. Потекнуваат од Првата и Втората светска војна. Ги има насекаде, но најмногу во Охридско Езеро, делот кај регионот кај Дојран и Демир Капија, информираше тој.

Нагласи дека има совесни граѓани кои ги пријавуваат овие случаи, но за жал има и такви кои не обрнуваат големо внимание на тоа и на свој ризик преземаат мерки кои се недозволиви.

– Секогаш апелираме кога ќе се наиде на сомнителна ситуација или вакво парче, задолжително да пријават во најблиската полициска станица, додаде Џафероски.

Би можело да ве интересира

Словачка нема да испраќа воена помош во Киев

Шпанија забрани транзит на оружје преку нејзините бази за Израел

Мекгрегор: Зеленски продава оружје на нарко-картели во Латинска Америка

(ВИДЕО) Зеленски: Наскоро ќе извезуваме оружје, така ќе ја плаќаме одбраната

Тошковски вели дека во Македонија дрогата и нелегалното оружје немаат иднина

Горан Наумовски

Демонстрација на моќ во Пекинг, Кина покажа ново оружје