Околу 100 доброволци, 102 полицајци, хеликоптер, дронови и кучиња го бараат исчезнатиот Петар во мариовско

Од:

Доброволци не само од локално население туку од различни градови од државава се вклучиле во потрагата по десетгодишниот Петар Џобоски откако неговиот татко во петокот пријави дека исчезнал од дворот во мариовското село Врпско. По Петар се трага трет ден, а снегот од викендов дополнително ја отежнал работата на трагачите.

„Во потрагата се вклучени 102 полицајци и уште околу 100 луѓе, доброволци, меѓу кои се локалното население, но и луѓе од други градови, ловџии, пожарникари од Прилеп и спасители од ’Златоврв’. По исчезнатото дете МВР трага и со хеликоптер, со дронови и со кучиња. Ова се збирни податоци со кои располагаме во моментов“, велат од Министерството за внатрешни работи за „А1он“.

Покрај служените дронови на МВР, многумина граѓани и фирми понудија да ги отстапат нивните дронови за потребите на трагачите, а постојано се пријавуваат и доброволци.

Поради големиот интерес на граѓани кои сакаат да се вклучат во потрагата, МВР попладнево апелираше сите доброволци да се јават на телефонскиот број на дежурната служба во селото Витолиште, 071/268-594 каде ќе добијат насоки како да помогнат.

Од МВР известија дека потрагата продолжува интензивно и нагласија секој што има каква било информација која би помогнала за пронаоѓање на Петар, да ја сподели со полицијата.

Би можело да ве интересира

Битолчанец платил 22.500 евра за да му се вработи синот во МВР

40-годишник од стумичко починал на паркинг во Скопје

Катерина Ѓуровски

(ВИДЕО) Шукова: Нов скандал во МВР, милионски тендер за возачки испити заврши кај советник на ВМРО-ДПМНЕ

Горан Наумовски

Двајца Срби, едниот малолетник, повредени во сообраќајка кај Неготино

(ВОЗНЕМИРУВАЧКО ВИДЕО) Го крена 18-месечното дете и со сета сила го фрли на подот – Белорусин ќе одговара за обид за убиство

А1он

Приведени полицајци во врска со пожарот во „Пулс“ во Кочани

А1он