ОЈО започна истрага за грабнатото бебе во Скопје

Од:

Јавен обвинител од Основното јавно обвинителство Скопје донесе наредба за спроведување истражна постапка против 28-годишна скопјанка осомничена за кривично дело грабнување.

dobivaj vesti na viber

На 16 август, во сутеренскиот дел на Градскиот трговски центар – Скопје, осомничената извршила грабнување на новороденче старо само седум дена. На родителите на бебето осомничената им се понудила да им помогне да стигнат до Поликлиниката Бит Пазар. Во Градскиот трговски центар тие ја замолиле осомничената да го причува бебето додека да купат за јадење, по што таа се оддалечила со него. Со такси тргнала кон Ѓорче Петров, а потоа и кон нејзиниот дом, каде полициски службеници успеале да ја пронајдат и лишат од слобода. Со ваквите дејствија осомничената ги спречила родителите да бидат со своето новороденче повеќе од четири часа, а предизвикала и опасност за загрозување на здравјето на бебето.

Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор на осомничената, бидејќи постојат околности кои укажуваат на опасност од бегство, како и страв дека ќе се обиде да ги прикрие трагите на кривичното дело и да ја попречува истрагата.​​

Би можело да ве интересира

Починато бебе донесено во битолската болница

Маж од Скопје обвинет за напад на телевизиската екипа на ТВ24

Горан Наумовски

Фатиме Фетаи ќе се бори со двајца мажи за шефовската фотелја во скопското Вишо обвинителство

Кристијан Ландов

Скопјанец си го убил тримесечното бебе, со нозе го удирал по главата и телото

Катерина Павлова-Николовска

ОЈО: Утврдени се неправилности во водење на предметот „Финансова полиција“

Горан Наумовски

ОЈО бара притвор за скопјанецот кој оштети 18 автомобили во катна гаража

Горан Наумовски