ОЈО Гостивар побара притвор за лице кај кое е пронајдено оружје

Од:

Триесетгодишен државјанин на Албанија се сомничи за сторено кривично дело неовластено изработување, држење, посредување и тргување со оружје, информираат од основното јавно обвинителство Гостивар.

Како што појаснуваат оттаму, полицијата извршила претрес на место каде престојувал осомничениот, кој илегално бил на територијата на Република Македонија. Притоа пронајдени биле автоматска пушка „калашников“ и рамка со дваесет куршуми, како и повеќе предмети чие потекло се истражува, а за кои постојат сомнежи дека потекнуваат од други извршени кривични дела.

Од обвинителството велат дека постапката продолжува во насока на утврдување евентуално учество на 30-годишниот Албанец и во други кривични настани.

Во меѓувреме, јавниот обвинител до Основниот суд Гостивар доставил предлог за определување на мерка притвор за осомничениот. Судот со решение го прифатил предлогот и на 30-годишникот му определил притвор во времетраење од 30 дена.

Би можело да ве интересира

Три жени осомничени за полови дејствија со деца и детска порнографија

Русите имаат ново оружје: Ова е „ѕвер“ што ги тресе силите

Европски земји изразија подготвеност да купат американско оружје за Украина

Греам: Рекордна количина оружје ќе и биде доставена на Украина

(ВИДЕО) Америка ги запира клучните испораки на оружје за Украина

Со нож и се заканувал на сопругата, а потоа ја истепал