Членовите на Oпштинската изборна комисија Куманово (ОИК) интензивно работат на комплетирање на избирачките одбори.
– Куманово како најголема општина во државата има 167 избирачки места, изјави Звонко Николовски, претседател на ОИК Куманово.
Тој додава дека работат непречено, и се држат согласно роковникот утврден од Државната изборна комисија.
– Вчера имавме средба во ДИК за одредена техничка измена така што и тоа е завршено, додава Николовски.
Во моментов членовите на Општинската изборна комисија работат на решенијата кои ќе се достават до избирачките одбори. Во Куманово, Липково и Старо Нагоричане има вкупно 241 избирачко место. Во Липково има 36, во Старо Нагоричане 38 и 167 избирачки места има во Куманово.